بعض الصدف ودك انك ما تلاقيها ....

[الصقر الحميدي]

بعض الصـدف ودك أنـك مـا تلاقيهـا .........متأهـل كـنـت والا كـنـت عـزابـي
صادفتهـا بالمطـار وقمـت ألاغيـهـا .... قلت آتسلـى ، ولكـن نالـت أعجابـي
مـا كلمتنـي ، ولكـن كـل مافيـهـا.... تحـرك ارموشهـا ، وأشـر بأهدابـي
أفهـم سواليفهـا بالرمـش وأعطيهـا .... وأرد خايـف لونـه لعـب بعصـابـي
قامـت تلفـت وتأشـر لـي بأياديهـا .... تعـال وأثبتلـك أنــك أول أحبـابـي
أحتـرت غلطـان والا آروح أراضيهـا.....أكلم النفس فـي هالوقـت وش جابـي
سرحت لحظـة أفكـر كيـف أحاكيهـا ..... وقررت أروح أعتذر وأوضـح أسبابـي
لقيـت مـا فـي المكـان الا مواريهـا.....وريحة عطرها وريح أنفاسهـا السابـي
وحتـى قلـم كحلهـا طايـح يناديهـا.....ومنديـل حولـه ولونـه كـان عنابـي
ولقيت رسمـة علـى المنديـل تعنيهـا......بالكحل مر سوم نص القلـب وعتابـي
تقول لـي ليـه أنـا أحرمهـا أمانيهـا...ومكتوب في آآآخر المنديل (( ياعذابي ))

[الطوفان]

عاشق وما فيك حيلة يالصقر
علمتك لا تروح المطار بس انت ما سمعت الكلام الله يهديك
هههههههههههههه
الله يعطيك العافية

[الصقر الحميدي]

http://ksa-555.com/up/uploads/3124756a45.gif

[ذيب القرى]

وحتـى قلـم كحلهـا طايـح يناديهـا.....ومنديـل حولـه ولونـه كـان عنابـي

شكلها قطراويييييييييييييييييييييه هههههههههههههههههههههههههههههه

جميل ما نقلته صقرنا الغالي

[الصقر الحميدي]

شكرا على التواجد الدائم والتواصل مشرفنا القدير ذيب القرى

[صــقر حقال]

شكرا لك الصـقر الحميدي على هـذهـ القطرات

أستمر أخي على عطاءكـ لتكون نجما في سماء هـذا المنتـدى


أرق وأعطر التحايا

[المهندس / سعيد المعـلوي]

اشكرك الصقر الحميدي قلم مبدع واختيارُ موفق وعاطفة شاعر

[الطير المهاجر]

ابيات غاية في الابداع شكرا اخي الصقر على

الابيات الرائعة بارك الله فيك